My Visie vir Hoërskool Waterkloof is om ‘n sportkultuur van uitnemendheid te bou waar passie, dissipline en spanwerk, geanker in Christelike waardes buitengewone prestasie inspireer. Ons moet daarna streef om atlete, spelers en spanne te ontwikkel wie se prestasie, karakter en toewyding mededingers, ondersteuners en die breër gemeenskap in verwondering laat oor wat ons skool kan bereik. Deur middel van topgehalte afrigting, meedoënlose toewyding en trots op ons kleure, sal Waterkloof Sport voortgaan om die standaard vir hoërskoolsportuitnemendheid te stel.