Fisiese Wetenskappe ondersoek fisiese en chemiese verskynsels. Dit word gedoen deur wetenskaplike ondersoeke, toepassing van wetenskaplike modelle, teorieë en wette om gebeurtenisse in die fisiese omgewing te verklaar en te voorspel.

Die vak spreek ook die gemeenskap se behoefte aan om te verstaan hoe die fisiese omgewing werk sodat hulle voordeel daaruit kan trek en ook verantwoordelik daarna kan omsien.

Die doel van Fisiese Wetenskappe is om leerders toe te rus met ondersoekvaardighede met betrekking tot fisiese en chemiese verskynsels, bv. weerlig en oplosbaarheid. Voorbeelde van sommige vaardighede wat relevant is tot die studie van Fisiese Wetenskappe is klassifisering, kommunikasie, meting, ontwerp van ‘n ondersoek, gevolgtrekkings maak en evalueer, modelle formuleer, stel van hipotese, identifikasie en beheer van veranderlikes, afleidings maak, waarneming en vergelyking, interpretasie, voorspelling, probleemoplossing en bepeinsing.

Fisiese Wetenskappe bevorder kennis en vaardighede in wetenskaplike ondersoeke en probleemoplossing: die konstruksie en toepassing van wetenskaplike en tegnologiese kennis; ‘n begrip van die aard van wetenskap en die verhouding met tegnologie, die gemeenskap en die omgewing.